Ol Menem Kim Vâkıf-ı Esrâr-ı İlm-i Âdem'em
28 Aralık 2023 tarihinde yayınlanmıştır.
NUTK-İ ŞERÎF
Ol menem kim vâkıf-ı esrâr-ı ilm-i Âdem'em
Kâşif-i genc-i hakîkat hem hayât-ı 'âlemem
Bende mahfî oldu gaybu'l-gaybın esrârı hemîn
Bendedir sırr-ı emânet ana kenz-i mübhemem
Ben cemâl-i Hakk'ı cümle şeyde zâhir görmüşem
Bu merâyâya anınçün bakdığımca hurremem
Her sözüm miftâh-ı küfl-ı "küntü kenz" olmuş durur
Hem dem-i 'Îsâ ile her bir nefesde mahremem
Cümle mevcûdâtı verdim ben vücûd-ı vâhide
Zât u esmâ vü sıfât ile ki hâlâ yek-demem
Yerde gökde her ne kim var bağlıdır başı bana
Âşikâre vü nihâne ben tılısm-ı a'zamam
Ben o Mısrî'yem vücûdum mısrına şâh olmuşam
Hâdisim gerçi velî ma'nâda sırr-ı akdemem
Niyâzi Mısrî
Kuddise Sırruh