Olanlar Kâl Ehli Hâl-i Dervîşânı Bilmezler
26 Ekim 2024 tarihinde yayınlanmıştır.
NUTK-İ ŞERÎF
Olanlar kâl ehli hâl-i dervîşânı bilmezler
Ki zîrâ ehl-i zâhir bâtın-ı insânı bilmezler
Gezerler şark u garbı 'âlem-i âsâra bakmazlar
Yüzerler çün semek ammâ nedir 'ummânı bilmezler
Okurlar 'ilm-i resmî dersini üstâzdan dâim
Bilirler gerçi her fenni velî Kur`ân'ı bilmezler
Vücûd-ı Hakk'ı derk itmek dilerler 'akl-ı kâsırla
Dil-i erbâb-ı 'aşka keşf olan bürhânı bilmezler
Bilenler kadr-i 'irfânı yine 'ârifdir ey Hakkı
Ki mühre ehli dünyâda nedir mercânı bilmezler
İsmâil Hakkı Bursevî
Kaddesallahu Sırrahu'l-Âlî