MuzafferOzak.com (Türkçe)

NUTK-İ ŞERÎF

Olmuşam bir güzelin sevdâsına çün mübtelâ

Ki nazîri yok anın hîç benzemez bir şey ana

Var diyen müşrik münâfıkdır o hûbun mislini

Bu söze eyler şehâdet cümle halk arz u semâ

Neylerem dünyâ vü 'ukbânın safâ vü zevkini

Derd-i 'aşkı ol şehin virir bana zevk u safâ

İsmini yâd itmek ile rûz u şeb eğlenirem

Görmeği arzû kılar gönlüm cemâlin dâimâ

Dileğim andan budur kim ben kuluna diye sen

Tâ ebed eyle nazar hûb yüzüme Kuddûsîyâ

Ahmed Kuddûsî

Kuddise Sırruh

Olmuşam Bir Güzelin Sevdâsına Çün Mübtelâ