MuzafferOzak.com (Türkçe)

NUTK-İ ŞERÎF

Olur nefsi hakîkatden haberdâr olmayan hayvân

Ki bilmez gevherin aslın sanır ol kendisin insân

Olar kim bilmez öz nefsin 'anâsır zann ider kendin

Halâs olmaz bu zulmetden olur hâk ile yeksân

Elif mîm dâl olan ismin hakîkat gevheri sensin

'Anâsır sâyebânındır ki kurmuş tahtını sultân

Sen ol dürr-i yetîmsin kim sadefden ayrı düşmüşsün

Mekânın bahr-ı vahdetdir bu yüzden eyledin seyrân

Elin çek işbu kesretden nedir fehm eyle bu remzi

Felek yüz döndürüp senden ayağın almadan devrân

Sen ol mâhî misâlsin kim gezer ol teşne 'âlemde

Serâser âba gark olmuş gözünden seyr olur 'ummân

Eğer İblîs-i pür-telbîs bileydi işbu esrârı

İderdi secde-i Âdem niçün eylerdi ol 'ısyân

Bu gevherler ki nazm itdin değildir kesbin ey Nakşî

Mürüvvet kânı ol Mevlâ elestden eylemiş ihsân

Nakşî-i Akkirmânî

Kaddesallahu Sırrahu'l-Âlî

Olur Nefsi Hakîkatden Haberdâr Olmayan Hayvân