Ömrüm Oldukça Eyâ Hazret-i Mahbûb-i Hudâ
21 Ekim 2022 tarihinde yayınlanmıştır.
NA'T-I ŞERÎF
Ömrüm oldukça eyâ Hazret-i Mahbûb-i Hudâ
İderim şevk ile evsâf-ı cemîlin inşâ
Gerçi medhinde kalem kâsır u diller 'âciz
Lîk 'aşkındır iden kilk-i zebânım gûyâ
Yâd-ı la'linle irer kalbe safâ-yı hâtır
Dâne-i hâlini andıkça gelir rûha gıdâ
Hilye-i pâkini gördükçe eyâ ahseni-i nâs
Pür ider çeşmimi bîdarî-i hâb-ı ma'nâ
Ayağın tozunu kühl itmek için gözlerine
Kademin hâkine rû-mâl ider ayn-ı zerkâ
Sürebilsem eşiğin taşına rûy-i siyehim
Hacerü'l-esvedi nûrumla iderdim beyzâ
Mâcerâ-yı dil-i hûnbârım idersem eczâ
Pür olur seyl-i sirişkimle miyân-ı Bathâ
Hizmet-i devlet-i na'tında şerefyâb olsun
Hil'at-i fâhire-i câh-ı şefâ'atle Rızâ
Neccârzâde Rızâ Efendi
Kaddesallahu Sırrahu'l-Âlî