Öyle Bir Dildâre Bende Ol ki Olsun Yâr-i Gâr
7 Ocak 2020 tarihinde yayınlanmıştır.
NASÎHAT
Öyle bir dildâre bende ol ki olsun yâr-i gâr
Bir dilârâya gönül ver zülfü olsun müşg-bâr
Bâkî bir cân bahş ede rü'yet-i dîdârı anın
Hurşîd-i kudret gibi göstere dîdâr âşikâr
Olasın makbûl-i dergâh-ı hidâyet-perverin
Sadr-ı defterinde ismin kayd ede ol nâmdâr
Bu nukûşât-ı cihâna verme dil semler seni
Şâh gedâ olmuş değildir bu fenâda pâydâr
Devlet-i dünya ise İskender'e yâr olmadı
Zıll-i zâil nevm-i nâim hiç olur mu i'tibâr
'Ârifâne kıl nazar mir'ât-ı Hakk'dır bu cihân
Sırr-ı vahdet bahş eder eşyâ sana hurşîd-vâr
Lutfî tefvîz-i umûr et Hakk'a teslîm ol bugün
Ba'dehû dârü's-selâm olan cinânda kıl karâr
Alvarlı Efe Hâce Muhammed Lutfî
Kaddesallahu Sırrahu'l-Âlî