MuzafferOzak.com (Türkçe)

NUTK-İ ŞERÎF

Pâdişâhım cânımız sen câna düş olmak diler

Gayrı varlıkdan geçüp seninle hoş olmak diler

Tevhid-i zâtından ayrılmaz gerekmez 'âlemi

Vahdetin deryâsının mahvında nûş olmak diler

'Ârif-i billâh olan ta'n eylemez güftârıma

Zât-ı deryâ-yı hakîkat birle cûş olmak diler

İsm-i a'zam hürmetiyçün anladım ben 'âşıkı

Vuslatın bâğında hayrân ser-hôş olmak diler

Gönlüme sordum haber virdi bana Allah içün

'Aşk-ı Hakk'dan gayrısından şöyle boş olmak diler

Sırrımın remzinden aldım 'azm idüp açar kanad

Mahv u garkın sırrına irmekde kuş olmak diler

Vahdetin nûruyla nakkâş olmağa şâhım senin

Bu Sinân Ümmî âhardan bî-nukûş olmak diler

Elmalılı Sinân Ümmî

Kaddesallahu Sırrahu's-Sâmî

Pâdişâhım Cânımız Sen Câna Düş Olmak Diler