Penbe-i Merhem-i Dâğ İçre Nihândır Bedenim
14 Mart 2023 tarihinde yayınlanmıştır.
.jpg)
GAZEL
Penbe-i merhem-i dâğ içre nihândır bedenim
Diri oldukça libâsım budur ölsem kefenim
Cânı cânan dilemiş virmemek olmaz ey dil
Ne nizâ' eyleyelim ol ne senindir ne benim
Taş deler âhım oku şehd-i lebin şevkinden
N'ola zenbûr evine benzese beytü'l-hazenim
Tavk-ı zencîr-i cünûn dâire-i devletdir
Ne revâ kim beni andan çıkara za'f-ı tenim
'Aşk ser-geştesiyem seyl-i sirişk içre yerim
Bir habâbem ki hevâdan doludur pîrehenim
Bülbül-i gam-zedeyim bâğ u bahârım sensin
Dehen ü kadd ü ruhün gonce vü serv ü semenim
İdemen terk Fuzûlî ser-i kûyin yârin
Vatanımdır vatanımdır vatanımdır vatanım
Fuzûlî