Penbeyi Gûşdan Çıkar Al Nağamât-ı Cân-fezâ
30 Kasım 2020 tarihinde yayınlanmıştır.
NASİHAT
Penbeyi gûşdan çıkar al nağamât-ı cân-fezâ
Nefs-i hasîsi ko sen ol 'âşık-ı pür-dem likâ
Zulmet-i cism içinde sen hoş sefer-i dil eylesen
Mahvolup andan içesin âb-ı hayât-ı zü-bekâ
Var kadem-i kudûmle var bu hades-i hudûsuna
Hamle-i 'âşıkâne kıl 'âlem-i dilde bul safâ
Kendini eylesen fenâ Hakk'dan erer sana bekâ
Derdin olur kamu devâ rûh ola menba'-ı rızâ
'Âşık-ı Hakk isen eğer iki cihândan et güzer
Çünki fenâ bulur cihân kendini eyle hem fenâ
Beyt-i Hudâ'yı dil bulan cânına kıble 'aşk olan
Oldu o menba'-ı rızâ içdi şarâb-ı Kibriyâ
Hakkı gel în ü ânı ko iki cihân ü cânı ko
Hakk'a teveccüh eyle tâ erişe nefha-i Hudâ
Erzurumlu İbrâhim Hakkı
Kuddise Sırruh