Penbeyi Gûşden Çıkar Bang-i Necât Erer Hemân
5 Şubat 2022 tarihinde yayınlanmıştır.
NUTK-İ ŞERÎF
Penbeyi gûşden çıkar bang-i necât erer hemân
Âb-ı siyâha olma yâr âb-ı hayat erer hemân
Varlığını koy ol fakîr olasın ana şehd ü şîr
Çün ki fakîre mîrden 'öşr-i zekât erer hemân
Zulmet-i ibtilâda bil nûr-i velâya sabr kıl
Âb-ı hayâta Hızr-dil fi'z-zulumât erer hemân
Kalma susuz edüp figân Dicle yanında ey civân
Cümle tarafda hoş-revân 'azb ü Fırât erer hemân
'Aşk demiyle dolsa cân zinde olur câvidân
Dosta varır çün ol nihân kand ü nebât erer hemân
Bulsa bu varlığın âdem kalbine uğramaz neden
'Aşk demiyle dembedem hoş harekât erer hemân
Hakkı gören ol âfeti kalmadı sabr u tâkati
Eylese Hakk inâyeti sabr u sebât erer hemân
Erzurumlu İbrâhim Hakkı
Kuddise Sırruh