Pendimi Gûş Eyle Zâhid Cân Verüp Cânânı Bul
9 Ekim 2023 tarihinde yayınlanmıştır.
NUTK-İ ŞERÎF
Pendimi gûş eyle zâhid cân verüp cânânı bul
Öl yürü ölmezden evvel hayy olan sultânı bul
Halk edüp bir zerresinden on sekiz bin 'âlemi
Çâr 'unsur hânesinden göstren insânı bul
Gizlemiş bir katresinden bahr u berri lâ-yezâl
Aç gözün fehm et bu nazmı var yürü ol kânı bul
Bu 'anâsır kisvetinde kim dürür nutk eyleyen
"Men 'aref"den oku dersi merd isen gel anı bul
Nakşî-veş meydân-ı dilde 'aşk elinden 'âşıkân
Başların top eyleyüp galtân olan meydânı bul
Nakşî-i Akkirmânî
Kaddesallahu Sırrahu'l-Âlî