Peyk-i Cânân ki Bâd-ı Rahmetdir
30 Temmuz 2024 tarihinde yayınlanmıştır.
NUTK-İ ŞERÎF
Peyk-i cânân ki bâd-ı rahmetdir
Ol dahi mahfîdir ne hayretdir
Çeşmim açdıkça key görem anı
Koyduğu 'ayna hâk-i hasretdir
Umma râhat bu fânîden dervîş
'Âşıkın hâsılı çü mihnetdir
Çün velâya belâ olur bâ'is
Bil ganîmet ki gâh-ı fırsatdır
Çekmegil 'azbini 'azâbından
Her ne kim gönderir 'atiyyetdir
Dest-i ağyâr ile cefâ şekli
Çirk-i bâtında hoş dibâğatdır
Kahrı içinde lutfu ey Şemsî
Bende-i hâssa özge lezzetdir
Şemseddîn Sıvâsî
Kuddise Sırruh