Pîşe-i Sâha-i Fakrem Nola Ger Ednâyem
23 Eylül 2024 tarihinde yayınlanmıştır.
NUTK-İ ŞERÎF
Pîşe-i sâha-i fakrem nola ger ednâyem
"Kâbe kavseyn" değil şem'ine "ev ednâ"yem
Mîr-i mîrân geçinen olmuşken bende-i hırs
Hırsı ben bende kılup mîr-i cihân-âsâyem
Gözüme katre değil bahr-i muhît-i melekût
Kal'a-yı Kâf-ı kanâ'atde 'aceb 'ankâyem
Yüzümü ehl-i fenâ hâk-i derine süreli
Gün gibi çarh-ı bekâ içre zıyâ-efzâyem
Necm-veş değme yere kalb tenezzül itmez
Himmetim 'âlî-durur mihr-i cihân-ârâyem
Ümmetim derse eger bendesine fahr-i cihân
Bil hemân zevk-i sipihrinde bugün 'Îsâ'yem
Hâtem-i tâc-ı kanâ'atle cihânda Şeyhî
Mülket-i mahv u fenâ kişverine Dârâ'yem
Abdülmecid Sıvâsî
Kaddesallahu Sırrahu'l-Âlî