Râh-ı Aşka Azm Eden Kimdir Desen Ol Kişidir

28 Ağustos 2018 tarihinde yayınlanmıştır.

NUTK-İ ŞERÎF

Râh-ı 'aşka' azm eden kimdir desen ol kişidir

Kim anın kuruttuğu evvel kademde yaşıdır

Su gibi şevk zâd-ı gam âh u enîni mûnisi

Derd-i dil merhemidir nakd-i revânı yaşıdır

Tabbâhı tennûr-ı dil kanlı kebâbı ciğeri

İliğidir seng-i ta'na levm-i lâim âteşidir

Şeb-i dünyâda anı sanma ki zulmetde yürür

Hâne-i kalbi anın mihr-i muhabbet işidir

Şâh-ı iklîm-i fenâdır sanma ki anı gedâ

Mahzeni kat kat anın gâr-ı ciğerde başıdır

Kûh-ı vahdetde eğer sûret-i tenhâda yürür

Yalınız deme velî hayli hatâlı işidir

Seng-i ta'na ne kadar kıla minnetdir ana

Kim anın hırz-ı emânına hisârı taşıdır

Kûy-ı 'aşk seglerine hâdim olagör Şemsî

Kim segi ol haremin cünd-i hidâyet başıdır

Şemseddîn Sıvâsî

Kuddise Sırruh