Râh-ı Hakk'da Hoş Hatırla Gitdi Ashâb-ı Hulûs
24 Ekim 2020 tarihinde yayınlanmıştır.
NUTK-İ ŞERÎF
Râh-ı Hakk'da hoş hatırla gitdi ashâb-ı hulûs
Serserî gitmek diler şimdi yola her bir lüsûs
Gence erişen kişi iflâsını i'lân eder
Sırr-ı hâl üzre gerek hakkâ ki erbâb-ı husûs
Küşte-i 'aşk olanın kanı hederdir sôfiyâ
Müftî-i 'aşkın cevâbı bu-durur dinle nüsûs
Sûk-ı 'ayyârâna çün tuş oldu yolun sâlikâ
Gey hazer eyle ki dar olmaya hâtemden füsûs
Şemsiyâ çün yola 'azm etdin rücû'undan sakın
Kim yaraşmaz zümre-i ikrâra kavlinden nukûs
Şemseddîn Sıvâsî
Kuddise Sırruh