Râh-ı Hakk'da İstikâmet Gözleyup Hem-vâr Var
11 Mayıs 2023 tarihinde yayınlanmıştır.
NUTK-İ ŞERÎF
Râh-ı Hakk'da istikâmet gözleyüp hem-vâr var
Müstakîm ol mukbil ol tâ olmaya idbâr bâr
Nefsi tazyîk it hevâya bulmaya güm-râh râh
Son deminde olmaya tâ başına bu dâr dar
Merkebin iken sana binmiş ider ikdâm-ı dâm
Nice bir taltîfle sen itmekdesin timâr mâr
Geç küdûrât-ı hevâdan tâ ola evsâf sâf
İhtimâm it beyt-i Hakk'ı itmeye ekdâr dar
Râh-ı Hakk'da sâk-i 'azmi itmese teşmîr mîr
Menzile irmez olur ahvâlini iş'âr 'âr
Kârı tefvîz it Hudâ'ya tâ ide ikbâl bâl
Bir dile kılmaz tecellî vâr ise efkâr-ı kâr
Kesrete virdi ziyâ-yı vahdet-i mehtâb tâb
Gayrı ifnâ it Salâhî k'olmaya ağyâr yâr
Abdullah Salâhaddîn Uşşâkî
Kaddesallahu Sırrahu'l-Âlî