Râhat-ı Ukbâ-durur Dünyâda Zahmetden Garaz
26 Eylül 2024 tarihinde yayınlanmıştır.
NUTK-İ ŞERÎF
Râhat-ı 'ukbâ-durur dünyâda zahmetden garaz
'İzzet-i ma'nâ-durur sûretde zilletden garaz
Gerçi ef'âl-i Hudâ olmaz mu'allel bi'l-garaz
Ma'rifetdir lîk insanda bu hilkatden garaz
Sûret-i esmâda halk itdi hakîkat âdemi
Ma'nâ-yı Hakk anlamakdır işbu sûretden garaz
Lutfu kahrı beğim Hakk Te'âlâ'nın beğim yeksândır
Şol muhabbet sırrıdır 'âlemde mihnetden garaz
Noktayı fehm eylemekdir bin bir esmâdan murâd
Hakkıyâ vahdet bilinmekdir bu kesretden garaz
İsmâil Hakkı Bursevî
Kaddesallahu Sırrahu'l-Âlî