Rahş-ı Şerî'at Üzre Şecâatle Ol Süvâr
21 Haziran 2022 tarihinde yayınlanmıştır.
NASÎHAT
Rahş-ı şerî'at üzre şecâ'atle ol süvâr
Tûġ-ı sehâd-ı bende mehâbetle kıl karâr
Tîğ-ı 'adâleti beline bend-i muhkem et
Zerk eyle tîr-i sabr ile kıl hasmını şikâr
Gir 'arsagâh-ı gayrete sâhib karanlık et
Et razmgâhı çeşm-i şeyâtîne teng ü târ
Kalkan-ı zühd ü tâ'ati et sînene siper
Zahm artuk ihtimâli vâr a'dâyı nîze-dâr
Meydân-ı himmete girüven ma'siyyete doyan
Çevgân-ı tevbe ile urup eyle târ u mâr
Dâmenini tevekkülün elden koma bu gün
Sa'y et ki yârın olmayasın anda şerm-sâr
Takvâ tarîkına idegör merd isen şürû'
Ehl-i bid'at olduğu meclisden et firâr
Ol ehl-i sünnet ehl-i cemâ'atle hem-nişîn
Fısk ehli ile hem-dem olup olma ehl-i nâr
Cehd ile bezm-i kadr-şinasâna et duhûl
Tekmîl-i 'arza sa'y edüp ol merd-i nâmdâr
Merd isen olma câhil ü nâdâna âşinâ
Bir gün mazarratı dokunur 'âkıbet sana
Fazlî hemîşe hâlıkına zikr ü tâ'at et
Şer'-i Habîb-i Ekrem'e ta'zîm ü hürmet et
Seyyid Osman Fazlî Efendi
Kaddesallahu Sırrahu'l-Âlî