MuzafferOzak.com (Türkçe)

NUTK-İ ŞERÎF

Raks idenler feyz-i 'aşkdan cennete tâvûs olur

Tûr'a kâil olmayanlar dûzaha câsûs olur

Durmak u dönmek kamu Hakk'dan ise ger ey fakîh

Hakk içün dönmek de sana pes neden nâmûs olur

Sûretâ raks itmez isek ma'nâda raks üzreyiz

Biz hayâl-i 'âlemiz 'âlem bize fânûs olur

'Âlem-i 'aşk 'âlem-i dergâh-ı Hakk'dır ey fakîh

Dergeh-i vahdetde sanma 'ayba kim câsûs olur

Cezbedir tahrîk idüp sôfîye feryâd itdiren

Deyr olupdur işbu 'âlem 'aşk ana nâkûs olur

Bahre irmez nehr-âsâ dönmeyince 'âşıkân

Sâkin olan evliyâ Gaybî kamu kâmûs olur

Sunullah Gaybî

Kuddise Sırruh

Raks İdenler Feyz-i Aşkdan Cennete Tâvûs Olur