Ref Et Nikâb-ı Vechini Seyrân Etsin Dîvâneler
30 Temmuz 2020 tarihinde yayınlanmıştır.
NUTK-İ ŞERÎF
Ref' et niḳâb-ı vechini seyrân etsin dîvâneler
Şem'-i cemâline karşu devrân etsün pervâneler
'Aşk-ı meyden katresin luṭf eylegil 'âşıḳlara
Haşre değin ayılmasın sekrân olsun mestâneler
Ol teşnegân-ı Kerbelâ gibi ciğerler sûznâk
Vaslın zülâline kandır reyyân olsun 'atşâneler
Ebr-i gümânın seyrine meydân-ı 'aşkda ey şehâ
Tîr-i müjgâna sînesin 'uryân kılsın merdâneler
Hacc-ı visâlin etmeği 'âşıklara eyle nasîb
Ka'be-i kûyunda cânın kurbân etsin cânâneler
Savm u salât u medrese verdik size ey zâhidân
Vahdet meyin nûş etmeğe ihsân olsun meyhâneler
Şems-i cemâlinden zerre vücûdları büryân eder
Nâr-ı 'aşkınla Sûziyâ sûzân olsun sûzâneler
Ahmed Sûzî
Kuddise Sırruh