Reh-i Mevlâ'da Her Kim Aşk İle Cismini Cân Eyler
17 Mart 2024 tarihinde yayınlanmıştır.
.jpg)
NUTK-İ ŞERÎF
Reh-i Mevlâ'da her kim 'aşk ile cismini cân eyler
Gönül mürgü gibi pervâz idüp tayy-ı mekân eyler
Gezen Hakk gezdiren Hakk söyleyen Hakk söyleten Hakk'dır
Velî 'ârifleri kendine kendi tercümân eyler
Bana ketm-i me'ânî emrin eyler Hazret-i Cânân
Yine ketm itmeyüp esrârını kendi 'ayân eyler
Zihî dildâr-ı dâver yere göge sığmayan dilber
Benim gönlümde dâim seyr-i gülzâr-ı cinân eyler
Bu gönlüm tâ ezel ol pâdişâhın tahtgâhıdır
Niçün dil-mürdeler ol dil-nişîni lâ-mekân eyler
Sehâb-ı cism içinde gizlenüp ol neyyir-i a'zam
Yine her zerreden yüz gösterüp hüsnün nihân eyler
Kemâl-i hikmetin sûretde tahrîr eyleyen Müştâk
Velî ma'nâda hep kendi yazar kendi beyân eyler
Müştâk Baba
Kuddise Sırruh