Reh-i Visâle Sülûk İster İsen Bul Rehber
22 Şubat 2024 tarihinde yayınlanmıştır.
NUTK-İ ŞERÎF
Reh-i visâle sülûk ister isen bul rehber
Ki rehber olmasa açmaz hevâda mürgân per
Yanınca zâd-ı fenâyı gıdâ-yı rûh eyle
Gözet nedir bu tarîk içre eser-i peyâmber
Hevâya vir ne ki vardır irâdet ü kudret
Yık işbu hâne-i evsâfı eyle zîr ü zeber
Yüzüne bakma cihânın ki mâsivallahdır
Vücûd mushafını al ele oku ezber
Cihâna devr iderek geldi âdem-i ma'nâ
Bu sûret içre hisâb eyle geçdi kaç çenber
Seni kul itdi 'Aliyyü'l-'Azîm olan Mevlâ
Sivâyı idegör âzâd sende çün kanber
Bu 'ilm ü ma'rifetin pâyesin gözet Hakkı
Ki hutbe-i şerefin okuya ehl-i minber
İsmâil Hakkı Bursevî
Kaddesallahu Sırrahu'l-Âlî