Reşk-i Cinân Oldu Ravza-yı Pür-nûr-ı Habîb
22 Ağustos 2019 tarihinde yayınlanmıştır.
NA'T-I ŞERÎF
Reşk-i cinân oldu yine ravza-yı pür-nûr-ı Habîb
Aslı cihândır görene ravza-yı pür-nûr-ı Habîb
Mest-i ilâhî gülüne hamr-ı hakîkî bilene
Halâvet verir gelene ravza-yı pür-nûr-ı Habîb
Gamlılara verir safâ çü gidip bulurlar vefâ
Hastalara dârü'ş-şifâ ravza-yı pür-nûr-ı Habîb
'İllet-i 'aynını siler vâr ise vesvâsı sürer
Dahi neler vere neler nazar-ı pür-nûr-ı Habîb
Çünkü ola sana nazar gözleme dahi bâl ü per
Şu'le verir çünkü sana şem'a-yı pür-nûr-ı Habîb
Aç gözünü çekme gamı 'âleme verme bu demi
Kapladı cümle 'âlemi şu'le-i pür-nûr-ı Habîb
Şemsî eriş civârına bu günü koma yarına
Rûz-i 'atşı sana ere cur'a-yı pür-nûr-ı Habîb
Şemseddîn Sıvâsî
Kuddise Sırruh