Reşk-i Mir`ât-ı Felek Sîne-i Ahyâr-ı Hulûs
21 Eylül 2023 tarihinde yayınlanmıştır.
NUTK-İ ŞERÎF
Reşk-i mir`ât-ı felek sîne-i ahyâr-ı hulûs
N'ola sıdk ile mukarreb ola ebrâr-ı hulûs
Su verir bâğçe-i sadra sirişk-i gülgûn
Açılır feyz-i nazarla gül-i gülzâr-ı hulûs
Her kişi kendi hulûsu berini yer derler
Ravza-yı sînede turfandadır esmâr-ı hulûs
Sen hemân meş'al-i sıdkın sana eyle rehber
Sıdk-ı tû rehber-i tû söyledi ahrâr-ı hulûs
Kalbi tasdîk eder ikrâr-ı lisân ey Müştâk
Tercümân-ı dil olur dildeki güftâr-ı hulûs
Müştâk Baba
Kuddise Sırruh