Revnak-ı Gülistân Demi Bülbüllere Kalmaz
2 Temmuz 2019 tarihinde yayınlanmıştır.
NUTK-İ ŞERÎF
Revnak-ı gülistân demi bülbüllere kalmaz
Sabâ-yı seher zevki de sünbüllere kalmaz
Günden de güzel mihr-i dirahşânlar ölürler
Gerdenleri sîm hâlları fülfüllere kalmaz
Çok serv-i revân âfet-i devrânları gördüm
Ne hûrî kıyâfet ne çiçek hâllara kalmaz
Bunca ki niyâz-dârına nâz ile göründü
Her vakt-i seher nazlı niyâz güllere kalmaz
Emîr-i zamân mühr-i Süleymân'e yetişse
Emri emîrin söylediği dillere kalmaz
Ey nûr-i basar nûr-i basîretden eser-yâb
Ol bak ki bu cân 'arşa yeten ellere kalmaz
Lutfî bu güzel şi'r-i dil-âvîz ile ândır
Bu fânî cihân kullara sultânlara kalmaz
Alvarlı Efe Hâce Muhammed Lutfî
Kaddesallahu Sırrahu'l-Âlî