Rıkk-ı Cismânîden Âzâd Eyle Yâ Rab El-Gıyâs
6 Kasım 2020 tarihinde yayınlanmıştır.
MÜNÂCÂT
Rıkk-ı cismânîden âzâd eyle yâ Rab el-gıyâs
Bend-i rûhânîyle dilşâd eyle yâ Rab el-gıyâs
Sû-i îmâda bana yol verme yâ Rab kıl meded
Vechimi döndür cenâb-ı kudsüne ver inbi'âs
Kalbimi efkâr-ı fâsidden Hudâyâ kıl masûn
Şevk ile evsâf-ı zâtından idem her dem bihâs
Tohm-ı tevhîdi müyesser eyledin çün bendene
Mezra'-ı dilde 'inâyet eyle tâ idem hirâs
'Ayn-ı fânîden bekâ semtine dönder 'aynımı
Çün cenâb-ı kudsüne râci'-durur cümle türâs
Zümre-i vefîlere derc eyle yâ Rab bendeni
Kim olardan gelmedi 'ahdine hergiz i'tikâs
Seyf-i 'aşk ile şehîd eyle Hudâyâ Şemsî'ni
Gelmesin âhir nefesde ol kuluna irtisâs
Şemseddîn Sıvâsî
Kuddise Sırruh