Rû-gerdân Olanlar Fânî Cihândan
26 Ocak 2023 tarihinde yayınlanmıştır.
.jpg)
NUTK-İ ŞERÎF
Rû-gerdân olanlar fânî cihândan
Menzil-i 'ukbâya ilişdi kaldı
Huşk-i riyâ ile zâhid gümândan
Geçmedi esmâya ilişdi kaldı
Nazar kıl dîde-i 'ibretle cânâ
Doldurur 'âlemi nedir bu deryâ
Şems-bîn olmamış huffâş-ı a'mâ
Behişte tûbâya ilişdi kaldı
Semt-i tûr-ı 'aşka doğrulursa râh
Matlûb u maksûdun verir şehinşâh
Şecerden hıtâb-ı "innî enallah"
Hazret-i Mûsâ'ya ilişdi kaldı
Türâbî zâr eder leyl ü nehârı
Semt-i düşvâr imiş bu 'aşkın kârı
Kimse bilmez nedir ledün esrârı
Bir gizli ma'nâya ilişdi kaldı
Türâbî Baba
Kuddise Sırruh