Rûha Çün Dilden Göründü Âteş-i Aşk-ı Likâ
3 Aralık 2018 tarihinde yayınlanmıştır.
NUTK-İ ŞERÎF
Rûha çün dilden göründü âteş-i 'aşk-ı likâ
Kûh-i Tûr-i kalbe vardım habbezâ lî habbezâ
Buldum anda pâdişâh-ı 'âlem ü cân-perveri
Bir latîf ü cân-fezâ kim hoş-likâdır dil-rübâ
Kûh u vâdî cümle sahrâ hüsn-i vechinden müdâm
Cennet-i a'lâ misâli dolmuş envâr u ziyâ
Sîm-ber sâkîler olmuş saf saf elde câm-ı zer
Yüzleri bedr olmuş ol mihre mukâbil pür-safâ
Çün nikâb açdı cemâlinden o mihr-i bî-zevâl
Oldu mahv onlar gönülden gitdi cümle mâsivâ
Gâfilin kalbidir a'mâ görmez ol nûru 'ayân
Zulmet-i sûretde olmuş sâyelerle mübtelâ
Hakkı az ye az uyu kim 'akl varsın hayrete
Tâ ki nûr-i 'aşkdan dolsun gönül bulsun likâ
İbrâhim Hakkı Erzurumî
Kaddesallahu Sırrahu'l-Âlî