Ruhundur Şâhid-i Esrâra Peyker Yâ Resûlallah
16 Kasım 2020 tarihinde yayınlanmıştır.
NA'T-I ŞERÎF
Ruhundur şâhid-i esrâra peyker yâ Resûlallah
Lebindir sûretâ rûh-ı musavver yâ Resûlallah
Hazîz-i şarkda cirm-i kamer zann itme kim düşdü
Görüp şânın senin mihr-i münevver yâ Resûlallah
Sen ol remz-âşinâ-yı fâş-gû-yı sırr-ı 'irfânsın
Ki itmişdir Mesîhâ na'tın ezber yâ Resûlallah
Senin yolunda ölmek gerçi hayli işdir ammâ
Gönül ölmekden ise hizmet ister yâ Resûlallah
Suâl-i haşr olup âmîhte hevl-i kıyâmet ile
Cevâbın ehl-i cürmün başkalar der yâ Resûlallah
Gerek ûd u gerek 'anber senin yanaklarındandır
Tenim berk-i hazân-âsâ titirer yâ Resûlallah
Nesîm-i lutfun olmazsa ferah-bahş ehl-i 'isyâna
Siyehkârân-ı bâd-ı kahr sarsar yâ Resûlaallah
Ucu ortası bulunmadığı'çündür senin sırrın
Kürevî olduğu bu nüh-çarh-ı çenber yâ Resûlallah
Sana bu süllem-i nüh-pâye-i gerdûn ise azdır
Gerekdir câmi'inde gayrı minber yâ Resûlallah
İki reşha lebinden sûret ü ma'nâya feyz olmuş
Birisi âb-ı hayvân biri kevser yâ Resûlallah
Olaldan nâfe-rîz-i dest-i rahmet zülf-i pür-çînin
Günehkârânın oldu işi 'anber yâ Resûlallah
Bu Kânî bendene yok tesliyet billah 'âlemde
Anı ümmîd-i feyz-i lutfun eğler yâ Resûlallah
Ebûbekir Kânî Efendi