Rumûz-i Evliyâyı Vâkıf-ı Esrâr Olandan Sor
23 Haziran 2018 tarihinde yayınlanmıştır.
NUTK-İ ŞERÎF
Rumûz-i evliyâyı vâkıf-ı esrâr olandan sor
Ene'l‐Hakk sırrını cândan geçüp berdâr olandan sor
Yürü var ehl‐i tecrîdi alâik ehline sorma
Anı cân u cihânı terk edüp deyyâr olandan sor
Gehi kahr u gehi lutfun kemâlin bilmek istersen
Fenâ ender fenâda yok olup hem vâr olandan sor
Dilâ bu mantıku't‐tayrı fesâhat ehli anlamaz
Bunu ancak ya Attâr veyâhud tayyâr olandan sor
Anadan doğma gözsüzler kemâhî görmez eşyâyı
Niyâzî vech‐i dildârı ulü'l‐ebsâr olandan sor
Niyâzî Mısrî
Kuddise Sırruh