Rûz-i Mihnetde Hurûş Eyleme Zencîr Gibi
25 Temmuz 2024 tarihinde yayınlanmıştır.
.jpg)
NUTK-İ ŞERÎF
Rûz-i mihnetde hurûş eyleme zencîr gibi
Râhat-endâz-ı dil ol zülf-i girîh-gîr gibi
Yek-süvâr olsa ayakdan dahi düşse farzâ
Yine doğru yürüyen menzil alır tîr gibi
Cevheri olsa da zâtında nihâdı kec olan
Kayd u bend içre kalır ta'n ile şemşîr gibi
Olmağa makdem-i yâr ile şerefyâb ey dil
Sîne pür-şerha gerek nüsha-i teshîr gibi
Zen-i dünyâya Müsellem niçe rağbet itsin
Üstühân-ı tenini tîşe eden şîr gibi
Ahmed Müsellem Efendi
Kuddise Sırruh