Sabâdan Dün Gece Ol Gül Ruhün Hâlin Suâl İtdim
31 Temmuz 2024 tarihinde yayınlanmıştır.
NUTK-İ ŞERÎF
Sabâdan dün gece ol gül ruhün hâlin suâl itdim
Dedi bûyin getirdim cânımı nezr-i nihâl itdim
Nihâl-i kâmetin bâğ-ı gönülde her salındıkça
Salındım vecde geldim 'akl u fikrim pâymâl itdim
Dökerse kânımı hâk-i rehinde ol peri billâh
Ezelden ben anın kurbânıyam kânım helâl itdim
Düşüp vâdî-i 'aşka nice yıl mecnûn olup gezdim
Unutdum kendimi kendim esîr-i zülf ü hâl itdim
Öyle 'uryân gerek âvâre-i sahrâ-yı cünûn
Ki ta'alluk dikeni tutmaya kat'â eteğin
Firâk-ı nâr-ı hasret ol kadar yandırdı kim cismim
Cihânı cânı yanmış ser-be-ser âteş hayâl itdim
Geçüp feryâd u zârım da feleklerden Süreyyâ'ya
Nücûmun sâbit ü seyyâresin gark-ı melâl itdim
Belâ-yı derd ü mihnetden rehâyâb olmadım Âsım
Kemâlî kâmil insâna uyup kesb-i kemâl itdim
Osman Kemâlî Efendi
Kuddise Sırruh