Sad Sadâ-yı Âh İle Geçdi Zamânım Âh Âh
28 Eylül 2024 tarihinde yayınlanmıştır.
NUTK-İ ŞERÎF
Sad sadâ-yı âh ile geçdi zamânım âh âh
Gül yerine oldu hâristân mekânım âh âh
Çün değildir bülbüle âhir bu gülşen câvidân
Nev- bahâr gitdi vü geldi hazânım âh âh
Hey ne mümkin 'âlem-i firkatde vuslat 'âşıka
Hicr elinden kaldı âhir haste cânım âh âh
Sidre iken cilvegâhım tâir-i kudsî gibi
'Âlem-i nâsût oldu âşiyânım âh âh
Dîde pür-eşk ü ciğer pür-hûn dil âteş misâl
Gör neler kıldı bana âhir cihânım âh âh
Ben ki İsmâîl Hakkı'yam bu mihnet-hânede
Tîğ-ı derdiyle n'ola akıtsa kânım âh âh
İsmâil Hakkı Bursevî
Kaddesallahu Sırrahu'l-Âlî