Safâ Geldin Eyâ Şehr-i Şefâat
10 Mart 2024 tarihinde yayınlanmıştır.
NUTK-İ ŞERÎF
Safâ geldin eyâ şehr-i şefâ'at
Bu ümmete doğan mâh-ı hidâyet
Buhûr-i rahmet-i Rahmân ki sensin
Nüzûl eyler bugün emtâr-ı rahmet
Safâ geldin eyâ kân-i kerâmet
Bu ümmete veren şân u şerâfet
Kerem nehrisin ey mihr-i diyânet
Buluruz senin ile yüce devlet
Safâ geldin eyâ ihsân-ı Mevlâ
Eden bu ümmeti a'lâdan a'lâ
Açılır sende dergâh-ı mu'allâ
Hudâ'ya sende eylerler karâbet
Safâ geldin eyâ şân-ı 'atâlar
Ki sende olunur 'afv-i hatâlar
Sana hürmetle eyler merhabâlar
Bu ümmet-i Muhammed pür-se'âdet
Safâ geldin eyâ sultân-ı ezmân
Erişdin ümmete rahmet-i Rahmân
Alır islâm olan 'afvına fermân
Sana hürmetdir îmâna 'alâmet
Safâ geldin eyâ nûr-ı hüdâmız
Ki sendedir bize nûr-ı Hudâ'mız
Sana kurbân ola rûh-ı fedâmız
Şefi' ol bizlere rûz-i kıyâmet
Safâ geldin bu ümmete veren nûr
O cilvegâh-ı rahmete olan Tûr
Ki sensin ümmete cennât hem hûr
Kavuşduk Lutfî Mevlâ'ya nihâyet
Alvarlı Efe Hâce Muhammed Lutfî
Kaddesallahu Sırrahu'l-Âlî