Şâh-ı İklîm-i Risâletdir Muhammed Mustafâ
19 Kasım 2017 tarihinde yayınlanmıştır.
NA'T-I ŞERÎF
Şâh-ı iklîm-i risâletdir Muhammed Mustafâ
Cânişîn-i milk-i vahdetdir Muhammed Mustafâ
Ahmed ü Mahmûd ü mahbûb-i cemâl-i Kibriyâ
Mahrem-i sırr-ı hüviyyetdir Muhammed Mustafâ
Bâb-ı lutfu sâilidir evvelîn ü âhirîn
Mültecâ-yı ehl-i hâcetdir Muhammed Mustafâ
Zulmet-i küfrü giderdi âleme verdi ziyâ
Şems-i tevfîk-i hidâyetdir Muhammed Mustafâ
Bu Selâmî rû siyeh bir müznib-i bedkâr ise
Müncî-i hevl-i kıyâmetdir Muhammed Mustafâ
Şeyh Selâmî Efendi
Kuddise Sırruh