Şâh-ı Manâ Zuhûra Çekdi Alem

22 Ocak 2020 tarihinde yayınlanmıştır.

NUTK-İ ŞERÎF

Şâh-ı ma'nâ zuhûra çekdi 'alem

Tutdu kevni sadâ-yı hayl ü haşem

"Küntü kenz"in demi 'ayân oldu

Kapladı kâinâtı nûr-ı kadem

Nûr u zulmet çü imtizâc etdi

Oldu mir'ât-ı vech-i pâk Âdem

Yetdi vuslat safâsına 'âşık

Oldu mahrûm olanlar ehl-i harem

Ni'met-i vuslata salâ dendi

Her gedâya erişdi nâz u ni'am

Erişir menzil-i murâda yakîn

Şol ki merdâne kor bu yolda kadem

Cür'a-i câm-ı bezm-i vahdetdir

Ehl-i 'aşka bu nükte-i mübhem

Bu hakâyıkdan anlamaz münkir

Diyebilmez nedir dem-i hâtem

Ben Sabûhî anınla bînâyem

Kanda baksam anı görür dîdem

'Aşk u ma'şûk u âşık oldu yâr

Leyse fi'd-dâri gayruhû deyyâr

Sabûhî Ahmed Dede

Kuddise Sırruh