Sahbâ-yı Muhabbetden Irağ Eyleme Yâ Râb
7 Ekim 2021 tarihinde yayınlanmıştır.
NUTK-İ ŞERÎF
Sahbâ-yı muhabbetden ırağ eyleme yâ Râb
Ser-sînemi bî-neş'e-i dâğ eyleme yâ Râb
Dûr eyleme peymâne-i ser-şârı gözümden
Ser-menzilimi dâğ-ı ferâğ eyleme yâ Rab
Envâr-ı harâbât ile kıl gönlümü ma'mûr
Dil-hânemi bî-nûr u çerâğ eyleme yâ Rab
Ser-mest-i müdâm eyle kadeh-hârlar içre
Zâhid gibi bî-zevk-i dimâğ eyleme yâ Râb
Koyma dil-i sûzânımı bî-mey dehenimden
Al kâseyi bir lahza uzağ eyleme yâ Râb
Kılma tehî meyhânemi bî-bâde sabûhu
'İşret-gehimi hâl-i ayağ eyleme yâ Rab
Dildâr ile kıl gönlümü ağyâr ile kılma
Hem-'işretimi zâğ u kelâğ eyleme yâ Râb
Üzme elimi halka-i rindân-ı safâdan
Dûr eyleme kurbânın olam ehl-i vefâdan
Seyyid Hamza Nigârî
Kuddise Sırruh