Sahn-ı Selâmetde Meydân-ı Aşkda
15 Şubat 2023 tarihinde yayınlanmıştır.
NUTK-I ŞERÎF
Sahn-ı selâmetde meydân-ı 'aşkda
Ey dil neler gördüm eşyâ içinde
Ahz ü i'tâ etdim dükkân-ı 'aşkda
Derdi satdım aldım devâ içinde
Kâf ile Nûn'dan düşdü derdi semâya
Derd uğratdı beni türlü belâya
İzhâr etdim derdim bây ü gedâya
Söylensin 'âşık-ı şeydâ içinde
Bir zaman cem' oldum sulb-i pederde
Hayli ârâm edüp durdum ol yerde
Bir zaman eylendim rahm-i mâderde
Tecessüm eyledim ol cân içinde
Ol vatandan beni bîrûn-i mâder
Çıkardı kucakda şîr ile şeker
Si vü dü hat olmuş vechinde defter
Rumûz-i "alleme'l-esmâ" içinde
Bu derd ile düşdüm bu 'aşk-ı râha
'Aşk iletdi râhım bir hanegâha
Mahrem oldum 'ilm-i ledünnullâha
Pinhân oldum şâl ü abâ içinde
Çâkî-i pirâhen 'uryân-ı beden
Oldukda boynuma takıldı resen
Bu 'âlem içine indim bir derden
Va'd-i 'atâ oldu 'atâ içinde
Bir sahn- ı vasî' hazin tamâm gördüm
Ki cem olmuş eshâb-ı enâm gördüm
İkrâr verdim anda Sîn ü Lâm gördüm
Makbûl oldum ehl- i bînâ içinde
Hakk tecellî kılup feth oldu meydân
Desem ger inanmaz bu halk-ı cihân
Hatm-i kelâm eyle bunda Perîşân
Bu özge seyrândır dünyâ içinde
Perîşân Baba
Kuddise Sırruh