Sakın Ey Gamzesi Kâtil Gözü Mekkâre Sakın
17 Ocak 2020 tarihinde yayınlanmıştır.
NUTK-İ ŞERÎF
Sakın ey gamzesi kâtil gözü mekkâre sakın
Zulm ü cevr eyleme 'uşşâk-ı dil-efgâre sakın
Sakın ağyâr-ı siyeh-rûy ile olma hemdem
Zâğlar konmasın ol gülşen-i bî-hâre sakın
Sakın erbâb-ı hased sözüne tutma kulağın
Verme ruhsat meded ağyâr-ı sitemkâre sakın
Sakın erbâb-ı gamın nâle-i dilsûzundan
Sakın âh eylemesin 'âşık-ı bîçâre sakın
Sakın ağlatma Sabûhî kulunu Sultân'ın
Eser-i âh erer ol rûy-ı pür-envâre sakın
Sabûhî Ahmed Dede
Kuddise Sırruh