Salındı Şâhbâz-ı Dil Hümâ-yı Evc-i Lâhûte
21 Aralık 2023 tarihinde yayınlanmıştır.
.jpg)
NUTK-İ ŞERÎF
Salındı şâhbâz-ı dil hümâ-yı evc-i lâhûte
Alındı hâkden meyl itmedi bu cây-i nâsûte
Bu ahvâl ü makâmâta ta'aşşuk itme ey sâlik
Dilin fânî vücûdun bu fenâda döne tâbûte
Yeter 'ilm-i ilâhî tâlib-i resm olma var zinhâr
N'idersin seng-i hârâyı nazar kıl la'l ü yâkûte
Yakasın itme çâk 'ilm-i ledünnîye irişdinse
Libâs-ı atlas-ı ahfâ geyür şol sırr-ı meskûte
Ben ol Zünnûn-ı 'aşkam kim atıldım kulzüm-i feyze
Hayât-ı tâzeden düşdüm bu deryâda dil-i hûte
Haber sorsan bu Hakkı'ya nedir bilmez bu halkı hiç
Sorulmaz hâl-i 'âlem 'aşk ile hayrân ü mebhûte
İsmâil Hakkı Bursevî
Kaddesallahu Sırrahu'l-Âlî