Sana Birkaç Sözüm Vardır ki Her Derde Devâdır

26 Kasım 2019 tarihinde yayınlanmıştır.

NASÎHAT

Sana birkaç sözüm vardır ki her derde devâdır

Anı tutan muhakkak bil ki mahbûb-ı Hudâ'dır

Marazlar içine dolmuş seni ederler ihlâk

Şarâb-ı müshili nûş eyleyüp sürmek revâdır

Bu sözüme inan yokdur hilâf anda 'azîzim

Gönül emrâzına zîrâ mücerreb bil şifâdır

Eğer sâlik çalışup anları çıkarmaz ise olur

İblîs gibi merdûd ki Hakk'dan ol cüdâdır

Kulak ver sıdk ile dinle hazer kıl sana diyem

Marazlar dediğim kibr ü hased 'ucb u riyâdır

Şarâb-ı müshili bil kim diyem sana nedir ol

Hemân iste Hudâ'dan anı çün ulu 'atâdır

Şarâb-ı müshil ancak 'aşkdır anı eyle tahsîl

Ki şöyle bil ki bu 'aşk bâis-i vasl-ı likâdır

Bu 'aşka zikr ile nâil olur sâlik birâder

Ana meşgûl olanlar heb gürûh-ı evliyâdır

Eğer dersen ki zikrin efdali ne söyle ey yâr

Kamunun efdali tevhîd diyen dost Mustafâ'dır

Bu Kuddûsî nasîhat eyleyüben der murâdım

Rızâ-yı Hakk dahi ihvânımızdan bir duâdır

Ahmed Kuddûsî

Kuddise Sırruh