Sanma Zâhid ki Âleme Bîhûde Geldi Pîrler
21 Mart 2021 tarihinde yayınlanmıştır.
NUTK-İ ŞERÎF
Sanma zâhid ki 'âleme bîhûde geldi pîrler
Haste-i derd-i dile anlar ider tedbîrler
Eylemez nûr-ı cemâl-i Hakk tecellî bilmiş evvel
Safha-i dilde kaçan kim hakkolmasa tasvîrler
Cân u dilden Hakk içün bir 'âşıkın Hû dediğin
Anın evsâfında ki 'âcizdir kamu takdîrler
Kim ki zikr-i Hakk'ı dâim kendüye etse siper
Bir kılın kesmez anın eger üşse bin şemşîrler
Her kim eyler 'âlem-i kalbinde tevhîde makâm
Anlar içün ki 'adn-i a'lâda iderler yirler
Ehl-i 'aşkın vâ'izâ dahl eyleme devrânına
Bend ider mi 'âşık-ı şûrîdeyi şol zencîrler
Zikri Seyyîd Seyfî terk itme dilinden rûz u şeb
Ecri ehl-i tevhîdin dîdâr-ı Hakk'dır dirler
Seyyid Nizâmoğlu Seyyid Seyfullah
Kuddise Sırruh