Sanma Zâhid Siz Gibi Aşk Ehli Hargûş Oldular
20 Mart 2016 tarihinde yayınlanmıştır.
NUTK-İ ŞERÎF
Sanma zâhid siz gibi 'aşk ehli hargûş oldular
Gûş edüp esrâr-ı 'aşkı ehl-i mengûş oldular
Zühd ile zâhid ayrılmaz mahşere varsa bile
İçdiler câm-ı gurûru öyle serhôş oldular
Dest-i Hayder'den muhibb-i Ehl-i Beyt-i Mustafâ
Nûş edüb 'aşkın şarâbın mest-i medhûş oldular
Setr edüp a'dâ gözünden cismini ehl-i niyâz
Vardılar beyt-i bekâ içre kefen-pûş oldular
Bâğ-ı dünyâdan çıkup gülzâr-ı adne uçdular
Kondular tâbût-i 'aşka sanki bir kuş oldular
'Aşk-ı Yâr'ı saklayup ağyârdan sâhib-gönül
Yatdılar hâk-i gûristân içre hâmûş oldular
Menzil-i tecrîde erdi merd olanlar Hilmîyâ
Çün 'arûs-i dehri tatlîk eyleyüp boş oldular
Hilmi Dede
Kuddise Sırruh
NAĞME-İ AŞK