Sayd Ederken Hümâ-yı İrfânı
10 Kasım 2022 tarihinde yayınlanmıştır.
NUTK-İ ŞERÎF
Sayd ederken hümâ-yı 'irfânı
Uçdu ol şâhbâz-ı sultânî
Yûsuf'u çâha atdı ihvânı
Kodu hasretde Pîr-i Ken'ân'ı
Neyledin Mustafâ'yı ey fânî
Kande gitdi Muhammed'im kanı
Terk edüp bu sarây-ı vîrânı
Belki cümle sivâ-yı Sübhân'ı
Arzu etdi o vech-i Rahmân'ı
Katreden geçdi buldu 'ummânı
Neyledin Mustafâ'yı ey fânî
Kande gitdi Muhammed'im kanı
Tan mıdır bülbül etse efgânı
Zâyi' etdi o verd-i handânı
N'ola ger dökse gözlerim kanı
Görmez oldu o mâh-ı tâbânı
Neyledin Mustafâ'yı ey fânî
Kande gitdi Muhammed'im kanı
Azîz Mahmûd Hüdâyî
Kuddise Sırruh