Sâyesi Düşmez Yere Öyle Bir Nahl-i Tûr’sun
29 Haziran 2018 tarihinde yayınlanmıştır.
İSTİŞFA'
Sâyesi düşmez yere öyle bir nahl-i Tûr’sun
Mihr-i âlem-gîrsin başdan ayağa nûrsun
Târik-i gülzâr-ı âlem mâlik-i mülk-i âdem
Münkirâna mahz-ı mâtem mü'mînine sûrsun
Sensin ol şâh kim süleymânlar kapunda mûrdur
On sekiz bin âleme hükmetmeğe me'mûrsun
El benim dâmen senin ey rahmeten-lil-âlemîn
Şöhretim ısyân benim sen afv ile meşhûrsun
Pâdişâh-ı evvelîn ü kıble-gâh-ı âhirîn
Evvel ü âhir imâmü'l-enbiyâ mezkûrsun
Yâ Resûlallah umarım diyesin rûz-i cezâ
Gerçi cürmün çokdur ammâ Itrîyâ mağfûrsun
Buhûrîzâde Mustafa Itrî