Şefâ'at Tahtına Sultân Olan Yevm-i Kıyâmetde
1 Kasım 2022 tarihinde yayınlanmıştır.
NA'T-I ŞERÎF
Şefâ'at tahtına sultân olan yevm-i kıyâmetde
Kemâlâtı kemâle ermiş olandır risâletde
O ki ser-defter-i sırr-ı "ev ednâ"da bulan şöhret
Münevver neyyir -i a'zam doğan 'arş-ı se'âdetde
Tecellîhâne-i Hakk'dır mukarrebler metâfıdır
Ezelde kâsim-i feyz-i ilâhîdir hidâyetde
Kerem-şân mihr-i nûr-efşân meyân-ı enbiyâ zî-şân
Ana emsâl olan kimdir bugün şân u şerâfetde
O'dur nûr -i ilâhîden mürekkeb efdal-i mahlûk
Ezelden tâ-ebed dâim olandır bu hilâfetde
Bu bir muhtâr-ı Mevlâ'dır mukaddemde muahharde
Vücûda gelmemiş mevcûd böyle ahsen kıyâfetde
Muhammed Lutfî'dir zâr u zebûn dermânde bir kemter
Kulundur kurbânındır dîde-bân bâb-ı 'inâyetde
Alvarlı Efe Hâce Muhammed Lutfî
Kaddesallahu Sırrahu'l-Âlî