Şeha Şevk-i Cemalin Sînede Zevk-i Yakîn Olmuş
25 Ocak 2019 tarihinde yayınlanmıştır.
NA'T-I ŞERÎF
Şehâ şevk-i cemalin sînede zevk-i yakîn olmuş
Efendim neş'e-i hamr-ı hayâlin dil-nişîn olmuş
Sen ol rûh-ı mücessem sırr-ı mübhem cân-ı 'alemsin
Ki 'akl-ı evvelin 'acz-âver-i rûhu'l-emîn olmuş
Sen ol dürr-i yetîm-i bahr-ı bî-pâyân-ı hikmetsin
Ki engüşt-i yed-i kudretde evvel zib-nigîn olmuş
Gülistân-ı cihân bârân-ı rahmetle olup reyyân
O dem ki vasf-ı pâkin rahmeten-li'l-'âlemîn olmuş
Sen ol mahbûb-i müstesnâ-yı Rabbü'l-'âlemînsin kim
Mübârek hak-i pâyin kühl-i 'ayn-ı hûr-i 'ıyn olmuş
Sen ol sultân-ı a'zamsın ki tahtın 'arş-ı a'lâdır
Egerçi sûretâ cevlângehin sahn-ı zemîn olmuş
Hatâdır cürm ile Müştâk-ı dîdârın ola me'yûs
Senin ki ism-i mahmûdun şefî'al-müznibîn olmuş
Müştâk Baba
Kuddise Sırruh