Şems-i Zâtın Zerresinden Cism ü Cân Bulsun Zıyâ
30 Haziran 2021 tarihinde yayınlanmıştır.
MÜNÂCÂT
Şems-i zâtın zerresinden cism ü cân bulsun zıyâ
Gâib ola 'ayn-ı dilden dem-be-dem 'ayn-ı sivâ
Berr-i firkatde nice bir teşneler 'atşân ola
Kıl zülâl-i feyz-i fazlından 'atâ bir katre mâ
"Rabbi erinî" lem'asıyla et münevver bâlimiz
Hâsıl ola neş'e-i tâ "harra Mûsâ sa'ikâ"
Mahz-ı cûdunla 'ademden buldu 'âlemler vücûd
Reşha-i bahr-i keremdir cümle bu arz u semâ
Sırr-ı vahdetden Fenâyî bendene eyle nazar
Her nefesde zâhir ola sırrına 'ayn-ı likâ
Kâl u kıylin hâle tebdîl et Fenâyî bendenin
Hâline bir kez nazar kılsan bulur 'ayn-ı likâ
Ehl-i Cennet Fenâyî Mehmed Efendi
Kuddise Sırruh