Sensin Ol Kudret Eli Tahmîr İden Hâk-i Ezel
7 Şubat 2021 tarihinde yayınlanmıştır.
NUTK-İ ŞERÎF
Sensin ol kudret eli tahmîr iden hâk-i ezel
Sensin ol feyz-i ilâhîye olan kul bî-mahal
Sensin ol cümle melâik ki sücûd eylediler
İtmedi secde sana irdi Azâzîl'e zelel
Sensin ol mazhar olan bilcümle esmâlara
Sana bildirmedi mi neydüğünü 'ilm ü 'amel
Sensin ol mecmû'a-i kevn ü mekân anlamadın
Serserį gezme bu âfâkı yürü sen sana gel
Seni halk eyledi Hakk ahsen-i takvîm üzre
İki 'âlemde bulunmaz dahi sana bir bedel
Şeyh Nizâmoğlu eğer ister isen Hakk vuslatın
Yürü bir mürşid-i kâmile erişüp tut bir el
Seyyid Nizâmoğlu Seyyid Seyfullah
Kaddesallahu Esrârrahumâ