Ser-menzilimiz Hâk-i Pey-i Merd-i Hudâ'dır
30 Eylül 2021 tarihinde yayınlanmıştır.
NUTK-İ ŞERÎF
Ser-menzilimiz hâk-i pey-i merd-i Hudâ'dır
Ashâbımız erbâb-ı vefâ ehl-i safâdır
Ey sôfî safâ ehline töhmet ne münâsib
Bed-gûyluk erbâb-ı vefâya ne revâdır
Ey zâhid-i hod-bîn hele meyhâneye bir gel
Al câm ele gör bu ne gözgü ne nümâdır
Ger mu'tekif-i dergeh-i meyhâneyiz ammâ
Secde-gehimiz dâhil-i Ka'be-i rızâdır
Ger dervîş-i peşmîne-külâhız velî şâhız
Mevlâ kuluyuz menzilimiz milk-i bekâdır
Güftârımı şâ'ir sühanı sanma usanma
Zîrâ ki heme güft u gûyum rehnümâdır
Gördüm zurafâ içre Nigârî-yi nedîmi
Bir rindî-i dil-bâz sözü pâkîze edâdır
Bir 'âşık-ı şeydâ dili deryâ sözü bî-pâ
Bir mest-i Hudâ sohbet-i şîrîn-şifâdır
Ol 'âşık-ı şeydâya itâ'at size vâcib
K'ey ehl-i vera' mücrim ise şâh-ı şumâdır
Seyyid Hamza Nigârî
Kuddise Sırruh